Meşginşəhrdə (Xiyav) fars irqçiliyinə qarşı keçirilən etiraz aksiyasında yaxalanan 5 fəalın son durumu barədə yeni bilgilər əldə edilib.
Son məlumata görə, Sina Həsəni və Şahin Nobəxt azadlığa buraxılıb.

Aydın Zakiri aclıq aksiyasını davam etdirir, o uşaqlara məxsus bölümdə saxlanılır.

Beytullah Bərzgər isə noyabrın 16-da aclıq aksiyasını dayandırıb.

Digər tutuqlu fəal Əli Feyzipur isə hələdə həbsxanada saxlanılır.

Zindan məsullarına müraciət edən tutuqlu fəalların ailələrinə bildirilib ki, onlar saxlanılan şəxslərlə bağlı ETTELAAT (İran Kəşfiyyat Nazirliyi) idarəsinin göstərişini gözləyəcəklər.

Bildirək ki, yuxarıda adlarını çəkdiyimiz fəallar İran televiziyasının türkləri təhqir etməsinə qarşı keçirilən etiraz aksiyasında tutulub. Onlar noyabrın 9-da Meşginşəhrdə keçirilən nümayişdə yaxalanıb.