İran İnqilab Keşikçiləri Korpusunun (Sepah) daha 2 üzvü Məhəmməd Soxəndan və Əlidust Həsənzadə Suriyasa gedən döyüşlərdə həlak olub.
“Sepah”ın “Fatimiyyun” briqadasının üzvləri olan İran vətəndaşı Məhəmməd Soxəndan və Əfqanıstan vətəndaşı Əlidust Həsənzadə bir neçə gün əvvəl Suriyanın Hələb şəhəri yaxınlığında İŞİD-çilər tərəfindən öldürülüb. “Sepah”çıların Suriyaya nə vaxt göndərildiyi bəlli deyil.

Xatırladaq ki, İran İslam Respublikası Bəşər Əsəd rejiminin əsas müttəfiq və himayədarlarından biri sayılır. Son aylarda Suriya hökumətini qorumaq məqsədilə bu ölkəyə göndərilmiş “Sepah”ın onlarla komandir və üzvü İŞİD qüvvələri tərəfindən öldürülüb.