Noyabrın 23-də qaz ixrac edən ölkələrin toplantısına qatılmaq üçün Tehrana səfər edən Rusiya prezidenti Vladimir Putin İranın dini lideri ayətullah Əli Xamneyi ilə görüşüb.
Putinin Xamneyi ilə görüşündə bir sıra regional məsələlər, o cümlədən də Suriyadakı vəziyyət və bu ölkədə yaşanan böhrandan çıxış yolları barədə fikir mübadiləsi aparılıb. Görüşdə həmçinin iki ölkə arasındakı qarşılıqlı əlaqələrin genişləndirilməsi, neft və qaz sahəsində birgə əməkdaşlıq, sərmayə qoyuluşu, eləcə də İranın nüvə fəaliyyəti barədə danışıqlar aparılıb.

Rusiya prezidentinin Tehrana bir günlük səfərində onun İran prezidenti Həsən Ruhani ilə də görüşəcəyi gözlənilir.