Keçən sutka ərzində Bakı şəhər Təcili və Təxirəsalınmaz Tibbi Yardım Stansiyasına 1500 müraciət daxil olub.

Müraciət edənlərdən 136 nəfər xəstəxanalara çatdırılıb. Bu barədə APA-ya stansiyanın baş həkimi Mürsəl Həmidov bildirib. Onun sözlərinə görə, yolların buz bağlaması ilə əlaqədar 46 nəfər sürüşərək müxtəlif dərəcəli travma alıb. Onlardan 30-u xəstəxanalara yerləşdirilib. Ümumilikdə ötən gün yol nəqliyyat və məişət hadisələri də daxil olmaqla 74 nəfər travma alıb. Travma alanlardan 49 nəfər xəstəxanaya çatdırılıb.