Milli Dirçəliş Hərəkatı Partiyasının sədri, millət vəkili Fərəc Quliyev "Günəşli" yatağında baş vermiş faciyədə həyatını itirən neftçilərimizlə bağlı başsağlığı verib. Başsağlığında deyilir:
“Şəxsim və sədrlik etdiyim Milli Dirçəliş Hərəkatı Partiyası üzvləri adından Dövlət Neft Şirkətinin  "Günəşli" yatağının 10 saylı stasionar dərin dəniz özülündə  baş vermiş qəza nəticəsində həyatını itirənlərin doğmalarına, yaxınlarına dərin hüznlə başsağlığı verir, həyatını itirən qardaşlarımıza Allahdan rəhmət diləyirik. Bu hadisə bütövlükdə Azərbaycan xalqının faciəsi olduğu üçün kədər hissini xalqımızla bərabər yaşayırıq.
İtkin düşən neftçilirəmizin sağ tapılması bu gün hər bir azərbaycanlı kimi bizim də içdən gələn dularımızdadır.
Hadisə vaxtı xəsarət alanlara isə Allahdan şəfa diləyirik.”