Təbrizin “Traxtur” futbol komandasının portuqaliyalı baş məşqçisi komandadan rəsmən ayrıldı.
Məlumata görə, dekabrın 8-də “Traxtur” klubunun məsulları ilə Tuni Olivera 3 saatlıq iclasdan sonra razılığa gəlib və baş məqçinin öz vəzifəsindən ayrılmasına qərar verilib.

Bu barədə bir sıra qalmaqallara səbəb olan “Traxtur” klubunun müdir-amili, komanda tərəfdarlarının sevimli baş məşqçisi ilə bağlı verilən qərarı açıqlayıb. Səid Abbasi bildirib ki, “o və klubun idarə heyəti T.Olivera ilə birgə işləməyə üstünlük veriblər, lakin baş məşqçi bir sıra problemlərdən dolayı komandadan ayrılmaq istəyib.

Bu xəbərdən sonra “Traxtur”un yeni baş məşqçisi ilə bağlı məlumat yayılıb. İdman saytlarında yayılan xəbərə görə, “Traxtur” klubu artıq Əmir Qələnoi ilə razılığa gəlib və dekabrın 9-da tərəflər arasında müqavilə imnzalanacaq.