Gürcüstan parlamentinin deputatları 30 dekabr tarixində yeni baş nazir Georgi Kvirikaşvilinin başçılıq etdiyi nazirlər kabinetinə etimad göstəriblər.

"Sputnik Qruziya" agentliyinin verdiyi məlumata əsasən, deputatlar həmçinin "Güclü, demokratik və vahid Gürcüstan üçün" hökumət proqramını dəstəkləyiblər.

Yeni hökumətin leyhinə 86 səs, əleyhinə isə 28 səs verilib.

Beləliklə Gürcüstan hökuməti aşağıdakı tərkibdə işə başlayır:

Baş nazir - Georgi Kvirikaşvili;
Energetika naziri, baş nazirin müavini - Kaxa Kaladze;
İqtisadiyyat və davamlı inkişaf naziri, baş nazirin müavini - Dimitri Kumsişvili;
Xarici işlər naziri - Mixail Canelidze;
Əmək, səhiyyə və sosial müdafiə naziri - David Sergeyenko;
İşğal olunmuş ərazilərdən daxili köçkünlər və qaçqınlar üzrə naziri - Sozar Subari;
Təhsil və elm naziri - Tamar Sanikidze;
Kənd təsərrüfatı naziri - Otar Daneliya;
Regional inkişaf və infrastruktur naziri - Nodar Cavaxişvili;
Maliyyə naziri - Nodar Xaduri;
Mədəniyyət və abidələrin mühafizəsi naziri - Mixail Giorqadze;
Müdafiə naziri - Tinatin Xidaşeli;
Gənclər və idman naziri - Tariel Xeçikaşvili;
Ədliyyə naziri - Teya Tsulukiani;
Daxili işlər naziri - Georgi Mgebrişvili;
Probasiya və cəzaların icrası naziri - Kaxa Kaxişvili;
Ətraf mühitin və təbii ehtiyatların mühafizəsi naziri - Giqla Aqulaşvili;
Avropa və Avroatlantik strukturlara inteqrasiya məsələləri üzrə dövlət naziri - David Bakradze;
Barışıq, vətəndaş bərabərliyi məsələləri üzrə dövlət naziri - Paata Zakareişvili;
Diaspora məsələləri üzrə dövlət naziri - Gela Dumbadze.