Azərbaycanlı jurnalistlər İranın Rusiyadakı səfirinin Xocalı soyqırımına bildirdiyi münasibətə etiraz əlaməti olaraq mətbuat konfransını tərk ediblər.

Dünən Moskvada İran İslam Rcümhuriyyətinin Rusiyadakı fövqəladə və səlahiyyətli səfiri Mahmudrza Səccadi “Ria Novosti” agentliyində keçirdiyi mətbuat konfransında “Mənim Xocalı soyqırımı haqqında məlumatım yoxdur” deyib. Buna etiraz edən Azərbaycan media nümayəndələri mətbuat konfransını tərk ediblər.

Qeyd edək ki, Pakistan İslam Cümhuriyyəti və Meksika Xocalı soyqırımını tanıyıb, İran bu soyqırımı tanımağa hazırlaşırmı sualına iranlı diplomat cavabında bu sualın onun üçün yeni olduğunu söyləyib: “Mənim bundan xəbərim yoxdur. Xocalı soyqırımı haqqında məlumatla tanış deyiləm. Ona görə də, sizin bu sualınızı cavablandıra bilmərəm”.