İranın Hörmüz boğazında başladığı hərbi təlimlərlə eyni gündə ABŞ (Amerika Birləşmiş Ştatları) başda olmaqla, Qərb ölkələri də son 10 ildə həyata keçirilən ən böyük hərbi dəniz təlimlərinə start verib.
ABŞ ordusu İranın qonşu körfəz ölkələrindən birinə ehtimal edilən hücumuna cavab həmlələri təlimini keçir.
Bundan əvvəl isə Virciniya, Şimali Karolina və Florida ştatlarının (əyalətlərinin) sahillərini əhatə edən bölgədə başlanan “Cəsur Timsah 2012" təlimlərinə ABŞ-la yanaşı, İngiltərə, İtaliya, Fransa, Hollandiya, Avstraliya və Yeni Zelandiya donanmalarının əsgərləri də qatılıb. ”USS Enterprise" təyyarə daşıyan gəmidən başqa “USS Wasp”, “USS Boxer” və “USS Kearsage” gəmilərinin qatıldığı manevrdə donanma (navqan) əsgərləri helikopterlər və hərbi vasitələrlə hücum və xilasetmə təlimləri keçiblər.