Bakı şəhərində yeniyetmələr arasında keçirilən Azərbaycan çempionatında Astara Boks Mərkəzinin yetirmələri uğurla çıxış ediblər.

44 kiloqram çəki dərəcəsində mübarizəyə qoşulan astaralı boksçu Ruslan Əliyev yalnız finalda uduzmaqla gümüş medala sahib olub. Bu, artıq Ruslan Əliyevin ölkə çempionatında ikinci medalıdır.

Qeyd edək ki, ölkə çempionatında paytaxt və regionları təmsil edən 235 idmançı qələbə uğrunda mübarizə aparıb. İdmançılar 14 çəki dərəcəsi üzrə yarışıblar.

Qaliblər milli komandanın heyətinə cəlb olunublar.