Müdafiə Nazirliyilə «Rosoboroneksport» şirkəti arasında buna dair müqavilə imzalanıb

Azərbaycan Rusiyadan T-90S tankları alacaq. Bu barədə APA-ya hərbi mənbələrindən məlumat verilib. Məlumatda bildirilir ki, 2011-ci ildə Azərbaycan Müdafiə Nazirliyi və «Rosoboroneksport» şirkəti arasında T-90S əsas döyüş tanklarının alqı-satqısına dair müqavilə bağlanıb. Lakin müqavilənin detalları, tankların sayı və çatdırılma müddəti barədə açıqlama verilməyib.
«Xalq Cəbhəsi» qəzetinin əldə etdiyi məlumata görə, T-90S tankları Rusiya Silahlı Qüvvələrinin istifadəsində olan T-90 tanklarının modernləşdirilmiş variantı kimi təqdim olunsa da, hərbi mütəxəsisslər bu zirehli maşını rus hərbi səneyesinin ən son nailiyyəti kimi qiymətləndirirlər.
T-90S tankının təqdimatı 2011-ci ildə Rusiya Federasiyasının Hijnıy Taqil şəhərində keçirilən sərgi zamanı olub. Rusiyanın baş naziri Vldamir Putinin iştirakı ilə keçirilən təqdimatda T-90S tankı tamamilə yeni xüsusiyyətlərə və döyüş imkanlarına malik olduğu bildirilib. Tankın modul adlanan qülləsi döyüş idarəçiliyinin ən müasir sistemlərilə təchiz olunub. Tankın idarəetmə sistemindəki plazma avadanlığı və panoramalı hədəf döyüş maşınının komandirinə ətrafı müşahidə etmək üçün geniş imkanlar açır. Tank bütün ətrafı müşahidə etmək imkanlarına malik olan videokameralarla da təchiz olunub.
Bununla yanaşı T-90S tankının dünyada ən yaxşı dinamik müdafiəyə malik olduğu bildirilir.