Fevralın 18-də Təbrizin səhənd stadionunda keçirilən yarış bu şəhərin “Traxtur” komandasının qələbəsi ilə yekunlaşıb.
İran üzrə futbol klublarının super liqa müsabiqələrinin 21-ci həftəsində keçirilən yarışda “Traxtur” komandası İsfahanın “Sepahan” takımı ilə qarşılaşıb. Milli komandamız “Sepahan”ı 2:1 hesabı ilə məğlub edib.

İlk qol “Sepahan” oyunçusu Rəsul Nəvidkiya tərəfindən 13-cü dəqiqədə vurulub. “Traxtur” təerəfindən isə Alviz Nanq 29 və Mehdi Şərifi 94-cü dəqiqələrdə qol vurublar.

Oyun zamanı “Traxtur” tərəfdarları komandanın baş məşqçisi və müdir-amilinə qarşı bir çox şüar səsləndirib. Onlar “sırınmış məşqçi belə olar”, “Abbasi – İstefa, istefa” və s. kimi şüarlar səsləndirərək Əmir Qələnoi və Səid Abbasinin istefasını tələb ediblər.

Qeyd edək ki, “Traxtur” bu qələbədən sonra 31 xalla (imtiyaz) müvəqqəti olaraq turnir cədvəlinin 6-cı pilləsində qərarlaşıb.