Fevralın 25-də Azərbaycan Dövlət İqtisad Universitetinin (ADİU) “SABAH” qruplarının tələbələri Xocalı faciəsinin 24-cü ildönümü ilə bağlı fləşmob keçiriblər.

Universitetdən bildiriblər ki, Xocalı qurbanlarını anma məqsədi ilə keçirilən fləşmobda “SABAH”ın 80 tələbəsi iştirak edib. Bundan başqa, gün boyu “SABAH” Mərkəzində yerləşən elektron monitorda Xocalı soyqırımını əks etdirən kadrlar nümayiş olunmaqla qətliam qurbanları anılıb.