Tərtər rayonunun sabiq icra başçısı, Tərtər özünümüdafiə batalyonunun komandiri olmuş Sərdar Həmidov dünyasını dəyişib. Bununla bağlı Milli Dirçəliş Hərəkatı Partiyasının sədri, millət vəkili Fərəc Quliyev başsağlığı verib. Başsağlığında deyilir:
"Sərdar Həmidov Birinci Qarabağ müharibəsinin döyüşçülərindəndir. O, bir döyüşçü kimi bizim qəlbimizdə daim yaşayacaqdır. Sərdar bəyin vaxtsız vəfatı bizi dərindən sarsıtdı. Şəxsim və sədlik etdiyim Milli Dirçəliş Hərəkatı Partiyası üzvləri adından Sərdar bəyin bütün doğmalarına, o cümlədən qardaşı İsgəndər bəyə dərin hüzünlə başsağlığı verir, mərhumun yeri Cənnət, ruhu şad olsun deyirik."