Mədəniyyət və turizm naziri Əbülfəs Qarayevin başçılıq etdiyi Azərbaycan nümayəndə heyəti Astana şəhərinin TÜRKSOY tərəfindən 2012-ci ildə türk dünyasının mədəniyyət paytaxtı elan olunması münasibətilə keçiriləcək mərasimə qatılacaq. APA-nın “Anadolu” agentliyinə istinadən verdiyi məlumata görə, mərasim fevralın 24-də keçiriləcək. Açılışda Qazaxıstan prezidenti Nursultan Nazarbayev və TÜRKSOY-a üzv digər ölkələrin mədəniyyət nazirləri də iştirak edəcək.

İl ərzində Astanada müxtəlif mədəniyyət tədbirlərinin keçirilməsi planlaşdırılır.