Təbrizin “Traxtur” futbol komandası Səudiyyə Ərəbistanının “Əlhilal” komandasını Qətərin Doha şəhərində keçirilən qarşılaşmada məğlub edib.
Asiya Çempionlar Liqasının qrup mərhələsinin 5-ci turunda keçirilən qarşılaşma 2:0 hesabı ilə “Traxtur”un xeyirinə yekunlaşıb.

“Traxtur”a qələbə qazandıran qollar 66-cı dəqiqədə Alvis Nanq və 81-ci dəqiqədə Fərzad Hatəmi tərəfindən vurulub.

Bu qələbədən sonra 12 xala malik olan “Traxtur” komandası C qrupunun lideri kimi Asiya Çempionlar Liqasının növbəti mərhələsinə yüksəlib və artıq “Əlhilal”la keçiriləcək cavab görüşü formal xarakter daşıyacaq.

Qarşılaşma aprelin 19-da Doha şəhərinin Əlqətər stadionunda baş tutub.