Ekvadorda zəlzələ nəticəsində ölənlərin sayı 570 nəfərə çatıb. Bu barədə RİA Novosti məlumat verir.

Daha öncə 413 nəfərin öldüyü bildirilirdi.

Qeyd olunur ki, 2600-ə yaxın adam xəsarət alıb, 230 nəfər itkin düşüb, 1500 tikili dağılıb.

Aprelin 16-ı axşam saatlarında Ekvadorda 7,8 bal gücündə zəlzələ baş verib. Yeraltı təkanlar UTC vaxtı ilə 23:58-də qeydə alınıb. Zəlzələnin ocağı 20,2 km dərinlikdə yerləşib. Episentr Muisne yaşayış məntəqəsindən 28 km cənub-şərqdə olub.