Hörmətli KİV nümayəndələri!
Beynəlxalq Diaspor Mərkəzinin (BDM) Gürcüstan nümayəndəliyinin təşkilatçılığı ilə 23 aprel 2016-cı il tarixində Ermənistanın Tiflisdəki səfirliyi qarşısında dinc etiraz aksiyası keçiriləcək. Aksiyanın keçirilməsində səbəb 24 aprel yalançı “erməni soyqırımı”-na etiraz, eyni zamanda Ermənistanın Azərbaycana qarşı işğalçılıq əməllərinə qarşı şüarlar səsləndirərək dünya ictimaiyyətinin diqqətini bir daha Azərbaycanın haqq səsi olan Qarabağ məsələsinə yönəltməkdir. Nəzərdə tutulmuş aksiyada Azərbaycandan BDM nümayəndə heyətinin rəhbərliyi, Türkiyə Əsilsiz Erməni İddiaları ilə Mübarizə Dərnəyinin (ASİM-DER) rəhbərliyi, diaspor fəalları və Gürcüstanda yaşayan soydaşlarımızın bir qrupu da iştirak edəcək. Aksiya saat 12:00-da başlayacaq.


BDM mətbuat xidməti