Bakının Nizami rayonu ərazisində sərnişin avtobusu ilə minik avtomobili toqquşub.

Nizami rayon Prokurorluğundan verilən məlumata görə, hadisə bu gün səhər saatlarında "Ay işığı" restoranının qarşısında baş verib.

Sərnişin avtobusunun "Mercedes" markalı minik avtomobili ilə toqquşması nəticəsində bir nəfər ölüb, xəsarət alanlar var.

Faktla bağlı Nİzami rayon Prokurorluğunda Cinayət Məcəlləsinin 263.2-ci maddəsilə cinayət işi başlanıb.