Gürcüstanın Mestiya şəhərində cüdo üzrə gənclər arasında dünya çempionu Leri Nakanin xatirəsinə həsr olunmuş beynəlxalq turnir keçirilib. Turnirdə 2000-2004-cü illərdə doğulmuş yeniyetmə və gənclər iştirak ediblər.

Marneuli Rayon İcra Hakimiyyətindən bildiriblər ki, turnirdə rayon idmançıları uğur qazanıblar. Onlar bu yarışmadan 4 qızıl, 1 gümüş və 2 bürünc medal əldə ediblər.

Uğur qazananlardan biri də azərbaycanlı idmançı Səməd Əliyevdir. Turnirdə 81 kiloqram çəki dərəcəsində mübarizə aparan S.Əliyev (16 yaş) bütün rəqiblərini üstələyərək turnirin qızıl medalına sahib olub.