"Prema Racing" komandasının italyan pilotu Antonio Covinatsi Bakıda GP2 avtomobil yarışı seriyasında təsnifatın yekunu üzrə ən yaxşı nəticəni göstərib.

Onun nəticəsi 1:51.752 olub.

İkinci yeri ART komandasından yapon idmançı Nobuharu Matsusita (1:55.719), üçüncü yeri isə onun rusiyalı komanda yoldaşı Sergey Sirotkin tutub (1:52.532).

Qeyd edək ki, bu gün Bakıda “Formula 1” üzrə dünya çempionatının 8-ci – Avropa Qran Prisi yarışlarına start verilib.
Hər biri iki pilotla təmsil olunan 11 komandanın birincilik uğrunda mübarizə aparacağı yarış trekinin uzunluğu 6 kilometrdir. Bakı Şəhər Halqasında dünyanın ən məşhur pilotları – Luis Hamilton, Fernando Alonso, Niko Rosberq, Sebastian Fettel, Valtteri Bottas və digərləri yarışırlar. Layihənin müəllifi bütün müasir “Formula 1” treklərinin memarı olan Herman Tilkedir.

Trekin ən geniş yerinin eni 13, ən dar hissəsinin eni isə İçərişəhər ətrafında, o cümlədən 7-ci və 8-ci döngələrdə 7,6 metr təşkil edir. Yarışın start və finiş xətti Azadlıq meydanındadır. Burada, həmçinin “Paddok klub”, komandaların boksları və pit-leyn qurulub.