Bir dəqiqəlik cizgi filmləri müsabiqəsinə yekun vurulub. Mədəniyyət və Turizm Nazirliyinin mətbuat xidmətindən verilən məlumata görə, bir dəqiqəlik cizgi filmləri müsabiqəsinə daxil olmuş işlər münsiflər heyəti tərəfindən qiymətləndirilib.
Filmlərin bir qisminin reqlamentə uyğun olmadığı qənaətinə gəlinib. Eyni zamanda qeyd olunub ki, iştirakçılar müstəqil olaraq yüksək səviyyəli 5 və ya 10 dəqiqəlik cizgi filmi yaratmaq qabiliyyətini nümayiş etdirməyiblər. Bu səbəbdən nəzərdə tutulmuş mükafatlar verilmir.
Eyni zamanda müəyyən maraq doğuran bir neçə filmin müəlliflərini qeyd etmək məqsədilə nazirlik tərəfindən hər biri 500 manat məbləğində 3 həvəsləndirici mükafat təsis edilib və onları müsabiqənin reqlamentinə cavab verən və daha çox bal toplamış işlərin müəlliflərinə vermək qərara alınıb.