Britaniyada ölkənin Avropa İttifaqında (Aİ) qalıb-qalmaması ilə bağlı referendum keçirilir.

Referendum gün boyu davam edəcək. Nəticələr London vaxtı ilə gecə 00.30-dan sonra açıqlanmağa başlanacaq və hər bir yerli hakimiyyət orqanı öz nəticəsini elan edəcək. Sonra nəticələr regional mərkəzlərə göndəriləcək və onlar da ümumi nəticələri elan edəcəklər. Daha sonra regional mərkəzlər nəticələrini Mərkəzi Hesablama Nöqtəsinə göndərəcəklər. Bu mərkəz Britaniyanın Mançester şəhərində yerləşir.

Beləliklə, son nəticə, yəni, Britaniyanın Aİ-də qalıb-qalmayacağı iyunun 24-də səhər saatlarında Mançester şəhərindən elan ediləcək.