İsrail və Azərbaycanın Naxçıvan Muxtar Respublikası kənd təsərrüfatı və ticarət sahəsində əlaqələrin genişləndirilməsi imkanlarını nəzərdən keçirirlər.

İsrailin Azərbaycandakı səfiri Dan Stav Muxtar Respublikaya ilk səfərini başa çatdırıb və orada bir sıra görüşlər keçirib.

İsrailin Bakıdakı səfirliyindən Trend-ə verilən məlumata görə, səfər zamanı səfir D.Stav Naxçıvan MR Ali Məclisinin sədri Vasif Talıbov və digər yüksək vəzifəli şəxslər tərəfindən qəbul edilib.

Müzakirələr zamanı tərəflər ticarət, kənd təsərrüfatı, turizm, səhiyyə və su ehtiyatlarının idarə olunması sahələrində potensial əməkdaşlıq imkanlarına toxunublar.