Qazaxıstan Milli Aqrar Universitetində MDB ölkələrinin aparıcı ali aqrar təhsil müəssisələri rektorları şurasının növbəti iclası keçirilib.

Qazaxıstan Milli Aqrar Universitetinin Elmi Şurasının qərarı ilə Azərbaycan Dövlət Aqrar Universitetinin (ADAU) rektoru, AMEA-nın müxbir üzvü, professor İbrahim Cəfərov həmin universitetin fəxri professoru adına layiq görülüb. Fəxri professor diplomu ona rektorlar şurasının geniş iclasında təqdim olunub.

MDB ölkələrinin aparıcı ali aqrar təhsil müəssisələri rektorları şurasının iclasında 10 ölkədən 30 ali məktəbin rektoru, Qazaxıstan Kənd Təsərrüfatı Nazirliyinin, Milli Aqrar Elm-Təhsil Mərkəzinin nümayəndələri, Kənd Təsərrüfatı Nazirliyinin tabeliyindəki elmi-tədqiqat institutlarının direktorları, təcrübə-sınaq təsərrüfatlarının rəhbərləri və kəndli sahibkarlar iştirak ediblər.