Madaqaskarın paytaxtındakı “Maxamasima” stadionunda qumbara partladılması nəticəsində azı 84 insan xəsarət alıb, 2 nəfər həlak olub.

Rusiyanın NTV telekanalı xəbər verir ki, Madaqaskar prezidenti silahlı qüvvələrə ölkə əhalisinin təhlükəsizliyini təmin etmək əmri verib.

Hakimiyyət orqanları hadisəni terror aktı hesab edirlər. Partlayıcı qurğu ölkənin müstəqilliyinin 56-cı ildönümünə həsr olunmuş bayram konserti zamanı işə salınıb. Stadionda təşkil olunan pulsuz konsertdə tribunalar tamaşaçı ilı dolu olub.