"İnternat Məzunlarının Sosial İnteqrasiyası" Gənclər İctimai Birliyi Azərbaycan Prezidenti yanında Gənclər Fondunun maliyyə dəstəyi ilə "Müstəqil həyatda uğurlu karyera" layihəsinin icrasını uğurla davam etdirir.

Layihənin əsas məqsədi regionlarda yerləşən uşaq evləri və internatlarda təhsil alan şagirdlərin bir sıra təlim və seminarların köməyi ilə ali təhsilə və fərdi inkişafa marağını artırmaq, karyera inkişafı və müasir əmək bazarı ilə tanış edib ona uyğunlaşmağa kömək olmaqdır

Fəaliyyət planına əsasən layihə Quba, Şəki rayonlarında icra olunub. Növbəti mərhələdə layihə Lənkəran və paytaxt Bakıda yerləşən uşaq evləri və internat müəssisələrində keçiriləcək.
Quba və Şəki rayonlarında təşkil olunan təlim-seminarlar çox böyük marağa səbəb oldu. Hər müəssisədə iki gün ərzində təlimçi Toğrul Ələkbər iştirakçılara təlim-seminar keçirib.

Layihənin sonunda məktəblərin məzunları üçün müxtəlif inkişaf sahələrini əks etdirən 3 günlük karyera düşərgəsi təşkil olunacaq. Məzun gənclərin təhsil və işsizlik problemlərinin həll olunması üçün dövlət və biznes qurumları ilə əməkdaşlıq ediləcək.

12.07.2016

"İnternat Məzunlarının Sosial İnteqrasiyası"