Ermənistan silahlı qüvvələrinin bölmələri martın 4-də saat 15.25-dən 15.30-dək və 21.00-dan 21.05-dək Ağdam rayonunun Yusifcanlı və Cavahirli kəndləri, saat 19.15-dən 19.30-dək Xocavənd rayonunun ərazisindəki adsız yüksəkliklərdə, saat 21.10-dan 21.25-dək Tərtər rayonunun Çiləbürt kəndi yaxınlığında, saat 22.10-dan 22.18-dək Ermənistanın Noyenberyan rayonunun Voskepar kəndində yerləşən mövqelərdən Qazax rayonunun Aşağı Əskipara kəndində, martın 5-də saat 02.15-dən 02.20-dək Ermənistanın İcevan rayonunun Azatamüt kəndində yerləşən mövqelərdən Qazax rayonunun Cəfərli kəndində yerləşən Azərbayjan Silahlı Qüvvələrinin üzbəüz mövqelərini avtomat və pulemyotlardan atəşə tutublar.

Müdafiə Nazirliyinin mətbuat xidmətindən verilən məlumata görə, düşmən cavab atəşi ilə susdurulub.