Qırğızıstanda fəaliyyət göstərən Türkdilli dövlətlərin siyasətinə dəstək fondunun sifarişi ilə Qırğızıstan Respublikası Joqorku Keneşinin II,III, V çağırışlarının deputatı, jurnalist, politoloq, siyasi elmlər doktoru İmanəliyev Kanıbəy Kapaşoviçin “Qırğızıstan” kitabı Azərbaycan dilinə tərcümə edilib.
Bu barəədə Turkustan.info-ya Qırğızıstanda fəaliyyət göstərən Türkdilli Dövlətlərin Siyasətinə Dəstək Fondunun prezidenti Nüsrət Məmmədov açıqlama verib.
Azərbaycan oxucularına pulsuz təqdim ediləcək kitabda qırğızların tarixi, mədəniyyəti, adət- ənənələri, atalar sözləri, geyimləri, dahi şəxsiyyətləri haqqında maraqlı yazılar öz əksini tapıb.
Kitabda XIX əsrə qədər xanların adları və hökmranlıq vaxtları tarixi və runa yazılarına istinadən və sanjırala görə verilmişdir.
Düşünürük ki, kitab Azərbaycan oxucuları tərəfindən rəğbətlə qarşılanacaq.
Qeyd edək ki, Kitabı Azərbaycan türkcəsinə Munisə Dadaş qızı tərcümə etmişdir, kitabın redaktoru tanınmış jurnalist-şair Vəli Əkbərdir.
Xatırladaq ki kitabın elektron versiyası türkdilli dövlətlərin informasiya agentliyi olan turktoday.info saytına da yerləşdiriləcəkdir.
İllüstrasiyalarla nəşr ediləcək kitabdan ədəbiyyatçıların, tarixçilərin, tələbələrin də istifadəsi nəzərdə tutulur.
Bundan başqa tarix elmləri doktoru Beqaliyeva Asel Suvakunovnanın müəllifi olduğu, “1916 cı il Qırğız üsyanı” kitabının da Azərbaycan dilinə tərcüməsi başa çatmaq üzrədir.