Pakistan ordusunun yaydığı məlumata görə Hindistanla sərhədin Kəşmir istiqamətində baş vermiş atışma nəticəsində iki nəfər həlak olub, yeddi nəfər isə yaralanıb. Məlumatda deyilir ki, son günlər Hindistan tərəfdən Pakistanın yaşayış məntəqələri müntəzəm olaraq atəşə tutulur.

Hindistan tərəfinin yaydığı məlumata görə isə Pakistan sərhədçilərinin açdığı atəş nəticəsində iki nəfər həlak olub.

Xatırladırıq ki, bu il sentyabrın 29-da Pakistan-Hindistan sərhədində baş vermiş qarşıdurmadan sonra bu ölkələrin sərhədində müntəzəm olaraq atəş səsləri eşidilir.

Qulu Kəngərli