“Ermənilər bizim musiqimizi oğurlaya-oğurlaya, sözümüzü, mədəniyyətimizi mənimsəyə-mənimsəyə yenə də adam olmadılar”.

Bu fikirləri “Eurovision”ın milli seçim üzrə münsifi, bəstəkar Faiq Sücəddinov may ayında Bakıda keçiriləcək “Eurovision 2012” beynəlxalq mahnı müsabiqəsindən Ermənistanın imtina etməsinndən danışarkən bildirib. Bəstəkar ermənilərin atdığı bu addımın gözlənilən olduğunu qeyd edib:

“Ermənilərin bu qərarı gözlənilən idi. Çünki, 20 gün bundan əvvəl mən bilirdim ki, ermənilər Bakıda keçirilən “Eurovision” mahnı müsabiqəsində iştirak etməyəcəklər. Onlar bildirirdilər ki, “Eurovision” təşkilatçıları müsabiqəni ayrı bir şəhərdə keçirsinlər və bundan sonra onlar gələcəklər. Ermənilər bizim musiqimizi oğurlaya-oğurlaya, sözümüzü, mədəniyyətimizi mənimsəyərək adam olmadılar. Ermənilər necə mədəniyyətsiz idilərsə, indi də elə mədəniyyətsiz qalıblar”.

F.Sücəddinov hesab edir ki, ermənilərin bu addımı atmasına səsəb onların insanlıq duyğularından uzaq olmaları ilə bağlıdır.

“Onlar bütün dünyaya car etdilər ki, Azərbaycan necə də mədəniyyətli bir xalq, dövlətdir. Biz onları dəvət elədik, öz insanlığımızı göstərdik, amma onlar yenə öz qeyri-insani duyğularını nümayiş etdirdilər. Bugünkü XXI əsrdə ermənilərdə insanlığa xas xüsusiyyətlər yoxdur. Onlar bu hərəkətlə öz iç üzlərini dünya ictimaiyyətinə göstərdilər. Çox yaxşı ki, onlar gəlməyəcəklər. Bütün dünya gördü ki, biz kimik, onlar kimdir. Bu, musiqi müsabiqəsidir. Musiqi mədəniyyətdir. Odur ki, onların mədəniyyətləri də yoxdur. Ona görə, ermənilər Bakıya gəlmədilər. Mən bunu çox alqışlayıram. Çox yaxşı oldu ki, onlar gəlməyəcəklər. Gəlməyəcəklər, cəhənnəmə gəlsinlər. Bizim topraqlarımızı işğal eləmələrinə baxmayaraq, biz onlara dəvət göndərmişik, amma onlar mədəniyyətsizlik nümayiş etdirərək bu dəvətdən imtina etdilər. Bax, bu ermənilərin iç üzləridir”-deyə bəstəkar qeyd edib.

Anar RÜSTƏMOV