Atatürkün rəhbərliyi altında aparılmış Qurtuluş Savaşının son şahidlərindən olan Saleh Quru müalicə aldığı xəstəxanada vəfat edib.

Qurtuluş Savaşı (1919-1922-ci illər) dönəmində 5-6 yaşlarında olmuş Saleh Kuru həmin illərdə İneboludan Çankırıya at arabası ilə silah-sursat daşıyan atası ilə səfərlərdə olub.
O, iki həftə əvvəl Türkiyə mətbuatına müsahibəsində deyib ki, Qurtuluş Savaşı zamanı əsgərlərə silah və sursat çatdırılması üçün fövqəladə səylər göstərilib. Quru sərt keçən qış ayında körpəsinin üzərindəki yorğanı mərmilərin üzərinə örtən Şərifə Bacının da silah-sursat daşıdıqları karvanda olduğunu bildirib.