Martın 12-də saat 10:00-dan 18:00-dək aparılacaq təmir işləri ilə əlaqədar Bakının Bakıxanov qəsəbəsinə qazın verilişində fasilələr müşahidə olunacaq. Bu barədə şənbə günü ARDNŞ-nin "Azəriqaz" İB-dən məlumat verilib.
Məlumata görə, qaz təchizatında fasilələr "Bakıxanov" qazpaylayıcı stansiyasında yeni ölçmə qurğularının quraşdırılması və köhnələrinin sökülməsi ilə əlaqədardır.
"Azəriqaz" İB Azərbaycan ərazisində qazın paylanması və satışı məsələləri ilə məşğul olur.