“Planet Parni iz Baku” KVN teatrı tez-tez əyləncəli layihələrlə özlərini Azərbaycan şou-biznesinin ulduzu hesab edən oxuyanları əsl tənqid atəşinə tutmaqla onlara yerlərini göstərirlər.

“Bakılı oğlanlar”ın belə səhnəciklərindən birində korufey sənətkar Rəşid Behbudovun dili ilə indiki oxuyanların necə deyərlər darmadağın edilməsi bəzi şou-biznes nümayəndələrinin etirazına səbəb olub. Onlar öz paxırlarının bu cür açılıb-ağadılmasını həzm edə bilmirlər.
Məsələn, müğənni Elza Seyidcahan “Planet Parni iz Baku” təhqirə yol verməkdə suçlayaraq aşağıdakı səhnəyə görə hətta məhkəməyə müraciət edə biləcəyini deyib.