Milli Dirçəliş Hərəkatı Partiyasının sədri, millət vəkili Fərəc Quliyev Vətəninfo.az saytının rəhbəri Nahid Canbaxışlının atası Baxşəli kişinin dünyasını dəyişməsi ilə bağlı başsağlığı verib. Başsağlığında deyilir:
"16 yaşında könüllü olaraq Qarabağ müharibəsinə qatılan və döyüşlərdə sağlamlığını itirən, sonrakı ictimai siyasi fəaliyyətində milli maraqları həmişə öndə tutan Nahid Canbaxışlı bir qazi və milli düşüncəyə sahib bir vətənpərvər kimi, millətin dəyərli övladıdır. Onu bu ruhda böyüdüb tərbiyyə edən Atanın vaxtsız vəfatı millətin itgisidir. Nahid bəyin Atası Baxşəli kişinin vaxtsız vəfatı bizi dərindən kədərləndirdi. Allahdan mərhuma rəhmət, bütün doğmalarına səbr diləyirik!
Dərin hüzünlə, Milli Dirçəliş Hərəkatı Partiyası adından, Fərəc Quliev"