Noyabrın 9-da Yaponiya parlamenti özəl şirkətlərə kosmosa süni peyk buraxmağa icazə verən qanun layihəsini qəbul edib.

Bu, parlamentin yuxarı palatasının kosmik məkanın mənimsənilməsi ilə bağlı qəbul etdiyi iki qanundan biridir.

Hazırda yalnız Yaponiya Aerokosmik Məkanın Mənimsənilməsi Agentliyi (JAXA) və onunla müqaviləyə malik olan “Mitsubishi Heavy Industries” şirkəti süni peyklərin buraxılması lisenziyasına malikdir.

Həmin gün qəbul edilən ikinci qanuna görə isə hökumət ehtiyac yarandığı təqdirdə, milli təhlükəsizliyin təmin olunması məqsədilə özəl şirkətlərə məxsus süni peyklər tərəfindən aparılmış yüksək həlli çəkilişlərin satışını və yayılmasını qadağan edə bilər.