PKK terror qruplaşması parçalanmağa başlayıb.

Bu barədə “DHA” agentliyi hərbi mənbələrə istinadən məlumat yayıb. Hakkari əyalətində son 4 ayda 500-dən çox terrorçunun məhv edildiyinə diqqət çəkən mənbə qeyd edir ki, PKK-nın “alınmaz qalaları”nın türkiyəli hərbçilər tərəfindən nəzarətə götürülməsi silahlıları pərən-pərən salıb.

Bildirilir ki, ordu qüvvələrinin fasiləsiz anti-terror əməliyyatları nəticəsində göz açmağa imkan tapa bilməyən terrorçular arasında ciddi psixi (rəvani) pozuntular baş qaldırıb. Bunu onlar arasından baş tutan telefon danışıqları da sübut edir.

Məlum olub ki, Yüksəkovada PKK-lı iki qrup arasında şiddətli atışma baş verib. Toqquşma zamanı ölü və yaralıların olduğu bildirilir. Vurğulanır ki, son 17 ildə ilk dəfədir PKK terrorçuları arasında belə ciddi toqquşma qeydə alınıb