Maliyyə Bazarlarına Nəzarət Palatası aktuari şəhadətnaməsi almaq istəyənlər üçün attestasiya keçirəcək.

Palatadan bildiriblər ki, “Sığortaçıların rəhbər işçisi vəzifələrinə namizədlər və müvafiq sığorta vasitəçiliyi üzrə fəaliyyətə lisenziya, həmçinin aktuari fəaliyyətinə aktuari şəhadətnaməsi almaq istəyən fiziki şəxslər üçün attestasiyanın təşkili və keçirilməsi” qaydalarının 4.1-ci bəndinə əsasən, aktuari şəhadətnaməsi almaq üçün müraciət edən şəxslər noyabrın 25-də saat 10:00-da qurumun binasında keçiriləcək attestasiyaya dəvət olunurlar.

Attestasiyada iştirak etmək üçün şəxsiyyət vəsiqəsinin təqdim edilməsi tələb olunur.

İmtahan verəcək şəxslər: Əhmədova Tamella Rəfail qızı, Həsənova Afət Oqtay qızı, Abdurəhmanova Aidə Fəxrəddin qızı və Əsədzadə Elçin Nizami oğlu.