Bu həftə Vyanada Neft İxrac edən Ölkələr Təşkilatına (OPEC) üzv ölkələr ilə qeyri-OPEC ölkələri arasında qlobal neft hasilatının məhdudlaşdırılmasını nəzərdə tutan müqavilə imzalanacaq.

Bu barədə OPEC-in baş katibi Məhəmməd Barkindo bu gün Yeni Dehlidə keçirilən konfransda deyib.

Qeyd edək ki, OPEC və qeyri-OPEC ölkələrinin görüşünün dekabrın 10-da Vyanada keçirilməsi nəzərdə tutulur.

Xatırladaq ki, ötən həftə OPEC neft hasilatının gündəlik 1,2 milyon barrel azaldılması üzrə qərar qəbul edib. Bu qərar 2017-ci ilin yanvarından tətbiq ediləcək və 6 ay ərzində qüvvədə olacaq. OPEC-ə üzv olmayan ölkələr neft hasilatını gündəlik 600 min barrel azaldacaqlarına, Rusiya isə istehsalını sutkada 300 min barrel aşağı salmağa söz verib.