Bu barədə Milli Arxiv İdarəsinin bu gün keçirilən kollegiya iclasında İdarənin təşkilat və metodika şöbəsinin müdiri Kamal Ağayev bildirib. Onun sözlərinə görə, artıq bu sənəd imzalanmaq üçün bütün prosedurlardan keçib. Sənədin gələn ayın ortalarında Bakıda imzalanması nəzərdə tutulur. Bundan başqa Milli Arxiv İdarəsi ilə Finlandiya Milli Arxivi arasında da əməkdaşlıq sazişi imzalanacaq. Hazırda isə Hindistanla arxiv işi üzrə anlaşma memorandumunun layihəsi üzərində iş aparılır.