Dekabrın 23-də Heydər Əliyev Sarayında “Anadolu rəngləri” adlı konsert proqramı təşkil olunacaq.

Konsert Türkiyə Respublikası Mədəniyyət və Turizm Nazirliyinin dəstəyi ilə iki ölkə arasındakı mədəni əlaqələr çərçivəsində keçiriləcək.

Mərasimdə Dövlət Xalq Rəqsləri Cəmiyyəti, Ankara Türk Dünyası Musiqi Cəmiyyəti, Konya Türk Təsəvvüf Musiqisi Cəmiyyəti ilə yanaşı Ankara, İstanbul və İzmir Klassik Türk Musiqisi Xor Ansamblından olan sənətçilər də iştirak edəcək.

Tədbirdə xüsusi proqramla xalq rəqslərindən nümunələr də təqdim ediləcək.