Rusiya Prezidenti Vladimir Putin Müdafiə Nazirliyinə məxsus “Tu-154” təyyarəsinin Soçidə qəzaya uğraması ilə əlaqədar dekabrın 26-da ölkədə matəm elan olunacağını bildirib.

Prezident V.Putin Avrasiya İqtisadi Şurasının iclasında və Kollektiv Təhlükəsizlik Müqaviləsi Təşkilatının sessiyasında iştirak etmək üçün Sankt-Peterburqa gəlib. “Rossiya 24” kanalına müsahibəsində V.Putin qəzanın ətraflı araşdırılacağını və hadisə nəticəsində ölənlərin ailələrinə yardım ediləcəyini bildirib.

Tədbirdə iştirak etmək üçün Sankt-Peterburqa gəlmiş Qazaxıstan Prezidenti Nursultan Nazarbayev də faciə ilə əlaqədar Rusiya rəhbərliyinə və xalqına başsağlığı verib.