Azərbaycan Dövlət Akademik Milli Dram Teatrında Yeni il şənlikləri davam edir.

Teatrın mətbuat xidmətindən bildirilib ki, gələn il yanvarın 4-dək davam edəcək Yeni il şənliklərində hər gün bir-birindən maraqlı əyləncəli proqramlar və oyunlar təqdim olunacaq.

Belə ki, əyləncəli proqramlar çərçivəsində uşaqların sevdiyi tamaşalardan maraqlı səhnəciklər də nümayiş ediləcək.

Hər kəsin qatıla biləcəyi əyləncə dolu proqramlar hər gün müvafiq olaraq saat 11.00, 13.00, 15.00 və 17.00-da başlanacaq.

Qeyd edək ki, sənət ocağı Yeni il şənliklərini balacaların vaxtının səmərəli keçməsi məqsədilə təşkil edir.