Milli Dirçəliş Hərəkatı Partiyasının sədri, millət vəkili Fərəc Quliyev dünən İctimai Televiziyanın “Ortaq Məxrəc” verilişində qonaq olub. Ermənistanda bu il keçiriləcək parlament seçkilərinin müzakirəsinə həsr edilmiş verilişdə Fərəc Quliyev Ermənistanın faktiki farpost ölkə olması səbəbindən buna bir əyalət hadisəsi kimi yanaşmağın və əgər hər hansı bir müstəqil addımlara cəhdlərin olacağı halda baş verə biləcək proseslərin müzakirə obyekti olmasının düzgün olduğunu vurğulayıb. Partiya sədri, dünyada gedən proseslərə uyğun olaraq Ermənistanda qərbyönümlü müxalifətin qurulması və ya digər oyunların oynanılmasının ermənilərin əsas mövqelərində hər hansı bir dəyişikliyə səbəb olub-olmayacağı barədə əsaslı açıqlamalar edib.
Fərəc Quliyevin verilişdə səsləndirdiyi həmin açıqlamaların videosunu təqdim edirik: