Ermənistan Silahlı Qüvvələri işğal etdikləri Azərbaycan torpaqlarında irimiqyaslı hərbi təlimləri davam etdirirlər.

APA-nın Qarabağ bürosu xəbər verir ki, bu gün saat 11 radələrindən etibarən ağır artilleriya və zirehli texnikalardan istifadə olunmaqla təlimin növbəti mərhələsinə start verilib. Partlayış səsləri cəbhəyanı yaşayış məntəqələri ilə yanaşı, Tərtər, Ağcabədi və Bərdə rayonlarının Ağdamla həmsərhəd kəndlərində də eşidilir.

Hərbi mənbələrdən APA-ya verilən məlumatlara görə, ermənilərin artıq üç gündür, davam edən irimiqyaslı təlimlərinə müxtəlif növ qoşun birləşmələri cəlb edilib.