Avronest Parlament Assambleyasında Azərbaycan nümayəndə heyətinin rəhbəri Elxan Süleymanov Ermənistan nümayəndə heyətinin Bakı sessiyasından qayıtdıqdan sonra Yerevanda keçirdiyi mətbuat konfransında səsləndirilən bir sıra fikirlərə münasibət bildirib.

Elxan Süleymanov mətbuata açıqlamasında deyib. “Hovhanisyanın Azərbaycan Prezidentinin çıxışından sonra guya bizim millət vəkillərinin erməni deputatlara yaxınlaşaraq üzr istəmələri ilə bağlı verdiyi “məlumat” məndə təəssüf və təəccüb hissi doğurdu. Etiraf edim ki, bu, Yerevandakı mətbuat konfransında səslənən yeganə qeyri-obyektiv fikir deyil”.
Süleymanov, həmçinin Ermənistan nümayəndə heyəti üzvlərinin Bakı sessiyası barədə müxtəlif mətbuat orqanlarında səsləndirdikləri qərəzli fikirlərlə bağlı Avronest PA və Avropa Parlamentinin rəhbərliyinə müraciət ediləcəyini bildirib.