Sulduzlu milli-mədəni fəal Mehdi Vahidi Sani həbs edilib. O, hazırda Miyana şəhərinin Mərkəzi zindanında həbsdə saxlanılır. Vahidi Sabiti, barəsində çıxarılmış 6 aylıq həbs qərarını keçirmək üçün 2012-ci il martın 6-da (1390-cı il isfəndin 16-da) tutulub və zindana intiqal edilib.



Qeyd edək ki, adını çəkdiyimiz azərbaycanlı fəal 3 il öncə əl işləri sərgisində Azərbaycanın mədəniyyəti ilə bağlı məhsulları sərgilədiyi üçün yaxalandıqdan sonra, Miyana şəhərinin inqilab məhkəməsi tərəfindən sistemin əleyhinə təbliğdə günahlandırılaraq 6 ay həbsə məhkum edilib.



Xatırladaq ki, adını çəkdiyimiz fəal Azərbaycanın mədəniyyətinin inkişafı uğrundakı fəaliyyətlərinə görə bundan öncədə dəfələrlə təzyiqlərə məruz qalıb və həbs edilib.