Fevralın 28-də M.Maqomayev adına Azərbaycan Dövlət Filarmoniyası nəzdində kamera və orqan musiqi zalında klassik musiqi axşamı təşkil olunacaq.

Filarmoniyadan bildirilib ki, Mədəniyyət və Turizm Nazirliyinin dəstəyi, Filarmoniyanın təşkilatçılığı ilə gerçəkləşəcək musiqili gecədə Azərbaycan Dövlət Fortepiano Triosu çıxış edəcək.

Konsert çərçivəsində Azərbaycan və Avropa bəstəkarlarının fortepiano üçün yazdığı musiqi əsərləri və bir sıra klassik kompozisiyalar səslənəcək.

Konsertdə, həmçinin ali və orta ixtisas musiqi məktəblərinin tələbə və şagirdləri də iştirak edəcək.