Milli Dirçəliş Hərəkatı Partiyasının sədri, millət vəkili Fərəc Quliyev Lider Televiziyasının “Panoram” verilişinin qonağı olub. Son vaxtlar yeniden gərginləşən ABŞ-İran münasibətlərinin müzakirəsinə həsr edilmiş verilişdə Fərəc Quliyev münasibətlərin gərginləşməsinin ABŞ-dakı hakimiyyət dəyişikliyi ilə əlaqədar olmadığını, yürüdülən siyasətin davamı olduğunu bildirərək, bununla bağlı bəzi proqnozlar da irəli sürüb. İrana hərbi müdaxilənin gözlənilmədiyini, lakin son dərəcə təzyiqlərin ediləcəyini, və bütün hallarda ABŞ-ın geri addım atmayacağını düşündüyünü deyən partiya sədri, bu dönəmdə İranın mütləq şəkildə zəiflədilməsinin qarşıya qoyulmuş məqsəd olduğunu bildirdi.
Fərəc Quliyevin mövzu ilə bağlı həmin verilişdəki ətraflı şərhinin video yazısını təqdim edirik: