Azexport.az daha bir yeniliyə imza atıb. Artıq sahibkarların Azexport.az portalına daxil etdiyi məhsullar Rusiyanın məşhur АгроСервер.ру portalına yüklənəcək.

İqtisadi İslahatların Təhlili və Kommunikasiya Mərkəzindən bildirilib ki, АгроСервер.ру Rusiyanın kənd təsərrüfatı, qida və emal sənayesi sahəsində satış həyata keçirərək, sahibkarlara önəmli informasiya dəstəyi verir. Bir gün ərzində portalı təxminən 100 mindən artıq şəxs ziyarət edir. Azexport АгроСервер üzərindən Azərbaycan məhsullarını xüsusilə rusdilli bazarlarda daha geniş təqdim etməyə imkan yaradacaq.